माळेगावात गावठी दारूचा सुळसुळाट? अवैधदारू.विक्रीवरकायमस्वरूपी आळा कधी बसणार?
माळेगाव (बारामती तालुका प्रतिनिधी)बारामती तालुक्यातील माळेगाव परिसरात गावठी दारू विक्री आणि अवैध मद्यधंद्यांबाबत नागरिकांमध्ये विविध चर्चा रंगताना दिसत आहेत. माळेगाव हे दारुड्यांचे माहेरघर बनत चालले आहे का? गावातील काही भागांमध्ये गावठी दारूची विक्री आणि सेवन खुलेआम सुरू असल्याची चर्चा नेमकी कितपत खरी आहे? याची सखोल चौकशी होणार का? असे अनेक प्रश्न नागरिकांकडून उपस्थित केले जात आहेत.
गावातील चौक, गल्लीबोळ आणि सार्वजनिक ठिकाणी मद्यधुंद अवस्थेत फिरणाऱ्या व्यक्तींची संख्या वाढत आहे का? यामुळे महिला, ज्येष्ठ नागरिक आणि विद्यार्थ्यांमध्ये असुरक्षिततेची भावना निर्माण होत आहे का? गावातील सामाजिक वातावरण बिघडत चालले आहे का? अशा प्रश्नांची उत्तरे शोधण्याची गरज निर्माण झाली आहे.
गावठी दारूचे अड्डे खरोखरच कार्यरत आहेत का? असल्यास त्यांच्यावर कारवाई का होत नाही? संबंधित विभागांना याबाबत माहिती नाही का? नागरिकांकडून होणाऱ्या तक्रारींकडे गांभीर्याने पाहिले जात आहे का? अवैध धंद्यांवर प्रभावी कारवाई करण्यासाठी विशेष मोहीम राबविण्यात येणार का? असे प्रश्नही उपस्थित केले जात आहेत.
माळेगावातील युवक व्यसनाच्या विळख्यात अडकत आहेत का? शाळा-कॉलेज परिसरात व्यसनमुक्त वातावरण निर्माण करण्यासाठी ठोस उपाययोजना केल्या जात आहेत का? गावाच्या सामाजिक आणि सांस्कृतिक प्रतिमेला या प्रकारांमुळे धक्का बसत आहे का? याची जबाबदारी नेमकी कोणाची? असा सवालही नागरिकांकडून केला जात आहे.
गावठी दारू विक्रीमुळे अनेक कुटुंबांचे संसार उद्ध्वस्त होत आहेत का? महिलांना कौटुंबिक त्रास सहन करावा लागत आहे का? कष्टाने कमावलेला पैसा व्यसनात खर्च होत असल्याने अनेक घरांची आर्थिक घडी विस्कळीत होत आहे का? या गंभीर प्रश्नांकडे प्रशासनाचे लक्ष वेधले जाणार का?
माळेगाव परिसरातील अवैध धंद्यांवर कायमस्वरूपी आळा बसणार का? संबंधित यंत्रणा याबाबत कठोर आणि परिणामकारक कारवाई करणार का? की नागरिकांचे प्रश्न केवळ चर्चेपुरतेच मर्यादित राहणार? याकडे आता संपूर्ण तालुक्याचे लक्ष लागले आहे का?
माळेगावच्या रस्त्यावर चर्चा का रंगते?
दारूच्या अड्ड्यांची कुजबुज का ऐकू येते?
प्रश्न जनतेचा प्रशासनापर्यंत पोहोचणार का?
अवैध धंद्यांवर अखेर पूर्णविराम लागणार का?
