🚨 मोबाईल हिसकावून चोरी करणाऱ्या दोन आरोपींना अटक; 43 मोबाईल जप्त, 2.65 लाखांचा मुद्देमाल हस्तगत 🚨

पुणे -: येरवडा पोलीस स्टेशन हद्दीत सायाद्री हॉस्पिटल समोर गल्लीत एका इसमाने रात्रीचे जेवण झाल्यानंतर मोबाईल फोन पाहत असताना दोन अज्ञात इसमांनी मागून येऊन त्याच्या हातातील मोबाईल फोन हिसकावून चोरी करून पळ काढला. याप्रकरणी दिनांक 29/04/2026 रोजी येरवडा पोलीस स्टेशन येथे गु.र.नं. 213/2026 भारतीय न्याय संहिता कलम 304, 3(5) अन्वये गुन्हा दाखल करण्यात आला.

या घटनेनंतर वरिष्ठ अधिकाऱ्यांनी तात्काळ आरोपींचा शोध घेण्याचे आदेश दिले. त्यानुसार पोलीस उपायुक्त परिमंडळ 04 श्री. चिलुमुला रजनीकांत, सहाय्यक पोलीस आयुक्त येरवडा विभाग श्री. सुनील जेतापुरकर यांच्या मार्गदर्शनाखाली वरिष्ठ पोलीस निरीक्षक श्री. अंजुम बागवान यांच्या नेतृत्वाखाली तपास पथक कार्यरत झाले.

तपासादरम्यान पोलिसांना गुप्त माहिती मिळाली की आरोपी चोरी केलेले मोबाईल विकण्यासाठी येणार आहेत. त्या माहितीच्या आधारे पोलिसांनी सापळा रचून संशयित इसमांना ताब्यात घेतले.

ताब्यात घेतलेल्या आरोपींची नावे पुढीलप्रमाणे आहेत:
राजकुमार सोनू पाटील (वय 19, रा. राजगुरू चौक, पुणे)
गौरव बाळू खुडे (वय 18, रा. बिबवेवाडी, पुणे)
त्यांच्याकडून 19 मोबाईल फोन मिळाले. चौकशीदरम्यान त्यांनी पुणे शहर व परिसरात अनेक ठिकाणी मोबाईल चोरी केल्याची कबुली दिली.

विशेषतः एकटे व्यक्ती, महिला किंवा गर्दीच्या ठिकाणी संधी साधून मोबाईल हिसकावून चोरी करत असल्याचे उघड झाले.

या आरोपींकडून एकूण 43 मोबाईल फोन जप्त करण्यात आले असून अंदाजे 2,65,500 रुपयांचा मुद्देमाल हस्तगत करण्यात आला आहे.

सदर आरोपींना पुढील कारवाईसाठी येरवडा पोलीस स्टेशन येथे ठेवण्यात आले असून पुढील तपास पोलीस उपनिरीक्षक किशोर बेरड करीत आहेत.

ही कारवाई अपर पोलीस आयुक्त मनोज पाटील, पोलीस उपायुक्त चिलुमुला रजनीकांत, सहाय्यक पोलीस आयुक्त सुनील जेतापुरकर व वरिष्ठ पोलीस निरीक्षक अंजुम बागवान यांच्या मार्गदर्शनाखाली तपास पथकाने यशस्वीरीत्या पार पाडली.